Was ich alles a dir schetze:


Ich schetze sooo unglaublich viel a dir Schatz das glaubsch du gar nööd und i ha mal versuecht so die wichtigste Sache zemmezfasse :D

I schetzes mit dir zlache das isch eifach so wichtig. I liebs das mir de gliich Humor hend.
I schetzes das mir überalles chönd rede, egal um wases gaht.
I schetzes das du mir zuelosisch und merksch wenn öppis isch.
I schetzes das du uf mini Wünsch und Bedürfnis iigasch und dir au mal Sache ifalle lasch oder mir überraschisch.
I schetzes das mir de ander so akzeptieret wiener isch und das mir eus nöd um jede priis wend verendere.
I schetzes das mir eus chönd vertraue und uf euesere Beziehig chönd ufbaue.
I schetzes das du mir Kompliment machsch und mir zeigsch wieviel ich dir bedüte.
I schetzes das du Nööchi chasch zuelah und mich aumal in Arm nimmsch oder küssisch.
I schetzes das du verständnissvoll bisch und mir immer hilfsch.
I schetzes das mir chönd vonenand lerne und eus gegesiitig Chraft gebed.
I schetz das nüd i eusere Beziehig eifach selbstverstendlich isch sondern das es es gee und es nee isch.
I schetze das mir eusi Mackene akzeptiered und eus soo guet kenned.
I schetze das mir eus au ohni Wort verstönd.
I schetze das jede sini Meinig cha vertrete und das mir aumal chönd striite.
I schetzes das du eifach sonen wunderbare und tolle Mensch bisch.
I schetzes vo dir so bedingigslos gliebt zwerde und i wird dir nie weh mache.

I schetze eifach ALLES a dir und a eusere Beziehig und i hoffe sehr das genau die Sache niemals verloore gönd!
 


Kostenlose Webseite von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!